2008年4月9日星期三

英國國籍法與香港
上次編輯:2007年6月11號 03:10。
本文章主要係講,同香港相關嘅英國國籍法問題。
由1841年香港開埠起,相關於香港嘅英國國籍事宜係獨一無二嘅。 由一個漁港漸變成亞洲國際都會,香港響每日都吸引難民、移民、同埋外籍人士嚟開始新嘅新活。 香港居民響英國管治期間嘅國籍同公民身份係非常之複雜同埋麻煩:當英國國籍法承認響香港出世嘅人係英國國民,響另外一邊箱,1949年後嘅中國政府,中華人民共和國從來唔承認任可香港華裔人士嘅英國國籍身份!
實際上,中華人民共和國國籍法唔承認自己國民擁有雙種國籍。 另外,任何中國政府承認香港居民嘅英國國籍身份嘅行為,即意味著歷代「昏庸腐瀆,喪權辱國」同埋割讓香港等行為。
由於1997年香港主權移交將至,中英兩國響超過十年時間內順利達成一系列順利過度嘅事項;當然唔少得約六百萬華裔同/或其他族裔嘅香港居民國籍問題㗎啦!

英國國籍法與香港 開埠初期
1985年香港法就係為咗香港回歸而設嘅,晌呢個法入面,就新增咗「英國國民(海外)」呢個身份。
當時,香港有三百五十萬居民係用緊英國屬土公民身份。不過晌回歸咗之後,呢啲人就會冇咗呢個身份而直接做左中國公民。不過當時覺得香港回歸咗之後嘅前途未明,所以,英國就整咗英國國民(海外)身份出嚟畀呢啲英國屬土公民去轉換。所有英國屬土公民都可以轉換成英國國民(海外)。不過呢個身份係唔可以世襲或者轉換嘅。
之後,香港就出咗《1986年香港(英國國籍) 令》規定1987年7月1日起就開始轉國籍嘅程序。所有憑香港關係而攞到英國屬土公民身份嘅人,都要轉成英國國民(海外)身份。
不過要注意嘅係,中華人民共和國係唔承認英國國民(海外)身份係英國國籍,英國所簽發嘅英國國民(海外)護照只會方便香港人用嚟旅行用。而晌中華人民共和國境內同香港、澳門特別行政區境內係唔可以享有英國嘅領事保護。

沒有留言:

Habibi.hk