2007年11月20日星期二

透爐
起爐,又叫透爐,一個燒嘢食工序。現代人唔再鑽木取火,要令黑炭生火燒嘢食,就要起爐。
透爐要先晌爐底放塊鐵絲網,之後晌上面堆炭,加上炭精,再用打火機報紙,點着炭精助燃。要令炭精燒著啲炭,通常要晌爐底撥風,常見會用幾大版摺埋一叠厚報紙葵扇甚至電風扇。燒到啲炭出煙變白見紅為之成功。成個過程叫透爐或者起爐。透爐唔簡單,好講透爐條友識唔識擺炭同炭精,以及撥風。揀濕氣太重嘅炭、放舊炭太大、叠得唔緊、撥風手法唔啱都唔使旨意起到爐。燒燒吓會唔夠炭,加炭比較簡單。由於火都嚟咗,隨便掟幾舊落去撥幾嘢就得。

沒有留言: