2007年11月5日星期一


尖沙嘴,簡寫做尖沙咀,係香港九龍半島南面嘅一個地方。今時今日係市區商業旅遊地區。香港好多大型文化設施都係起喺呢個區。原尖沙嘴只係舊水警總部凸出來一個山仔,未填海之前三面都係海,周圍有沙灘。尖沙嘴係以前係貨運中轉站,貨物都經尖沙嘴運過對面海,又或運出口。古代呢度曾經係運香樹產品,有香埗頭之稱。今時今日尖沙嘴已經九龍係主要商業區之一,好多公司都有寫字樓響呢區。尖沙嘴亦係旅遊區,有好多世界各地唔同人出出入入。其中近彌敦道重慶大廈有各色人種逗留而出名。
尖沙嘴漆咸道南東面原本係海,響1960年之前係。填海之後,呢塊新填地就叫做尖沙嘴東

九龍角 地名
尖沙嘴嘅嘴,地理上係伸出水面嘅一塊地,好似雀仔個嘴突出來咁。而尖沙嘴個嘴就正正佢對住香港島中環一帶,隔住維多利亞港
民間人士為咗貪方便,就用咗同音字咀嚼個咀代替個嘴字,咁就有尖沙咀個寫法。呢個寫法響尖沙咀地鐵站起好之後就漸漸流行。呢家香港啲後生仔女好多時都會稱呼尖沙嘴做「老尖」或者「尖嘴」。

沒有留言: