香港中央圖書館（Hong Kong Central Library）係香港最大型嘅公共圖書館，響香港島銅鑼灣高士威道66號，北面係維多利亞公園，響2001年5月17日開張，由康樂及文化事務署管理。
香港中央圖書館樓高12層，佔地9400平方米，樓面面積合共33800平方米。呢間圖書館取代咗香港大會堂圖書館嘅總館地位，成為全香港公共圖書館嘅中樞系統同資訊中心。