2008年1月17日星期四

葉觀楫
葉觀楫1919年2006年9月2日),綽號「大聲葉」,6070年代香港著名嘅電台足球評述員。佢喺學生時期已經有幫港幾份報紙撰文寫專欄,戰後就幫香港電台評述足球做講波佬,亦都有喺澳門嘅廣播電台講波。
當年嚟講因為電視機屬於奢侈品,唔係咁普及,所以普羅大眾嘅一般娛樂就係靠一部收音機;尤其是每當有咩香港足球嘅比賽進行嘅時候,電台都會直接派個講波佬去到球場一路觀戰一路做即時評述,所以好多人都鐘意捕喺收音機側邊,一邊聽賽事一邊幻想場波嘅進行,因此當時足球轉播嘅收聽率一路高企。而葉觀楫做緊直播嘅時候係非常之投入,佢講波大聲,佢把「豆沙喉」(聲音沙啞)加埋佢嘅肉緊,講波講到緊張關頭時直頭連自己都會大叫歡呼埋一份,唔記得咗自己做緊現場直播出緊街;不過若果冇佢咁緊張,收音機側邊又點會有咁多聽迷?有啲入咗場睇波嘅球迷為咗想睇得精采,會帶住部收音機去聽大聲葉講波呢!
葉觀楫嘅評述生動,亦都創造咗唔少嘅精采詞彙,好似「醫院波」、「彈琵琶」……等等,到今時今日都仲係足球講波佬嘅常用術語。
佢亦都有幫香港電台轄下嘅龍翔粵劇團演出粵劇,又喺電視劇《陸小鳳之鳳舞九天》飾演苦瓜大師,同埋參與過電影《靚妹仔》嘅其中一啲角色。
後嚟葉觀楫移民溫哥華,但係佢仍然活躍喺粵劇界同文化界,曾經擔任燕鳳鳴粵劇團嘅顧問,同埋有幫《星島日報》繼續撰寫文稿。
2006年9月2日葉觀楫溫哥華因病逝世。

沒有留言: