長洲太平清醮(又稱包山節，英文">英文：Cheung Chau Da Jiu Festival或Cheung Chau Bun Festival)，係香港長洲居民舉辦嘅一個太平清醮活動，喺每年農曆四月舉行，係當地最大規模嘅一個傳統活動，吸引唔少人士慕名參觀。個活動嘅最大特色，就係搶包山同飄色巡遊嘅活動。
長洲太平清醮嘅舉辦日期以前係根據喺廟宇進行問杯儀式，由神明擇日，但係自從2005年，政府將佢包裝成旅遊項目，而太平清醮嘅飄色巡遊同搶包山比賽亦安排喺農曆四月初八，佛誕公眾假期，方便吸引啲人入嚟。
另外，按照傳統，太平清醮嗰段時間全長洲都要守齋戒茹素。
搶包山嘅活動，因為1979年個包山畀人搶到冧咗，重壓死人，所以禁咗。直到2005年，政府改咗用攀山嘅形式舉行搶包山比賽。由2005到2007年，做消防員嘅長洲人郭嘉明連攞三屆搶包山比賽冠軍。