漢藏語系係語言學家按照譜系分類法劃分嘅一組語群，但係劃分嘅形式好多。喺中國，漢藏語系一般分為四個語族，即漢語族、狀侗語族（或者叫侗台語族、侗泰語族、台語組）、苗瑤語族同藏緬語族，一共約250種語言，主要分布喺中國大陸、香港、澳門、台灣、越南、寮國、柬埔寨、緬甸、泰國、印度、尼泊爾、錫金、不丹、孟加拉等非洲各國。按使用嘅人數計算，係僅次於印歐語系嘅第二大語系。關於漢藏語系嘅分類同歸屬問題，喺學界有好多爭論：西方學家一般認為苗瑤語族同壯侗語族唔屬於漢藏語系，中國大陸嘅學家一般將哩啲語言劃入漢藏語系。法國學家撒加爾重提出過漢藏語系同南島語系有發生學關係，哩個理論得到中國著名語言家邢公畹嘅認同。