架生(讀如架撐)，又叫工具，係用嚟幫助完成一件事嘅嘢，架生用機械原理整出來。最基本嘅架生就係簡單機械，例如撬其實係槓杆來嘅。
以前哲學家會認為人先識得用架生，所就定義人做識用架生嘅動物。事實上好多動物其實都識得用。後尾又改咗做人係識造架生嘅動物。但動物學家發現雀仔都識得整架生。
家下架生就唔限於實物，程序，資訊，創意，學習都係改落人自己嘅架生。
人類學家就認為識得用架生係人演化好重要嘅一步。人演變到可以用手指公來揸架生，亦有智慧去同架生。
架生亦都可以變武器，好似鎚仔，西瓜刀，同水喉鐵，甚至平時唔似仆到頭爆嘅摺櫈咁。倒返轉頭，武器都可以變工具，好似炸藥咁。
架生可以指純粹認知上嘅嘢，例如書寫語言，又或者歌手把聲(搵食架生)。