月指咗來呢度，如果想搵一年十二個月嘅月，睇下月份
月光，又叫月亮，或者就咁叫月，天文學上叫佢做月球，係地球唯一嘅自然衞星。佢嘅標誌係新月。佢之所以叫月光，皆因佢係地球望上天第二光嘅嘢，夜晚重係最光嘅嘢。而叫月球呢，就係天文學家發現，月光其實係一個球體，作以就叫月球喇。而科學文章多數叫佢做月球。
月球同地球嘅平均距離係384 403千米（238,857英里）。月球嘅直徑係3 476千米（2,160英里）。由月球反射嘅陽光，用1.3秒就射到落地球。
地球望上天，個月會有盈虧，因為地球望上月球反射面，大細會唔同。農曆一個月裏面，初一咗左右，個月會消失，唐人習慣叫呢個新月。之後會光到一半，叫上弦月，到十五左右，就最圓，叫圓月或月圓，之後會縮返細。到一半大，就叫下弦月，最後到咗下個初一左近，又會消失。回敎地方習慣月光啱啱有光先叫做新月，同唐人唔同。