鴨脷洲（英文：Ap Lei Chau 或者 Aberdeen Island）係香港嘅一個島，屬於南區，喺香港島嘅西南面，香港仔同埋香港仔海峽附近，1.32 平方公里咁大。

史
明朝嘅地圖已經有畫鴨脷洲（地圖上面亦有香港村）。鴨脷洲畀船家一個好嘅避風港，喺鴉片戰爭之前有條漁村。1841年，呢個島跟南京條約割咗畀英國，之後就無乜人理。
1968年，香港政府喺鴨脷洲起咗座發電廠，供電畀香港島。1980年，鴨脷洲大橋落成，連埋鴨脷洲同香港島。鴨脷洲就開始高速發展。又起咗公共屋邨來安置啲因香港仔避風塘大火而無家可歸嘅漁民。
1989年，發電廠搬咗去南丫島，嗰笪地加埋附近嘅填地，就起咗海怡半島。