塑膠係一類人造或者半人造嘅聚合產品，包括有機嘅加成聚合物或者縮成聚合物。裏面可能加啲其他嘢令到佢慳錢啲或性能好啲。有時有一啲天然嘅聚合物都叫做塑膠。塑膠可整到唔同形狀，可以變膜，又或係纖維。唔同塑膠有唔同特性，有啲就耐熱，有啲就夠硬，有啲就自動還原形狀，隻隻唔同。因為佢可塑，成份平均，夠輕，響唔同工業都用得到。