塔斯曼尼亞省（英文：Tasmania）人口48萬幾（2005年），係澳洲唯一嘅島省，原名雲迪文蘭（英文：Van Diemen's Land），位於澳大利亞東南面，係一個呈三角形嘅大島，同澳洲本土最南面嘅維多利亞省首府墨爾本隔海相望。塔斯曼尼亞喺六個省之中佔地面積最細，係澳洲自然生態保護得最完善嘅地方，最大城市係首府霍巴特，人口21萬（2006年）。
塔斯曼尼亞號稱「天然嘅省」，亦被譽為「蘋果嘅島」，亦有「澳洲版嘅新西蘭」之稱，以秀麗風光同埋樸素人文為特色。作為獨立島嘅地理令當地有較大嘅未開發天然地帶，全省約40%被正式列為國家公園、自然保護區或者世界自然遺產地。