大氣層，或者叫大氣圈，或者淨係叫大氣，係地球表面上嘅空氣，受地球引力影響，喺地球表面形成一層層保護膜。等生物可以響地球上面生存。
大氣主要係氣體，成份約莫 77% 係氮、21% 係氧 、1% 係氬、 微量二氧化碳、水蒸氣同其他嘢。雖然二氧化碳百分比係微量，但係含量近百年增加得別快，對天時好有影響。

大氣層嘅作用
如果冇大氣層，地球嘅氣壓會跌低到零，幾乎地球上所有生物都會死，原本喺大氣層燒咗嘅太空隕石、細嘅碎片、塵、冰等就會撞落地面，地球嘅表面會同月球差唔多。大氣層度重有一層臭氧層，隔咗太陽嘅大部份紫外光，如果呢一層弱咗就會令人皮膚燒傷而導致皮膚癌等疾病。