長沙灣(Cheung Sha Wan)（香港人慣咗將「灣」字讀做陽平聲嘅「環」字音，即係會讀成"長沙環"咁），係香港新九龍嘅一個地方，西面係荔枝角，東南面係深水埗，北面全部係山。長沙灣原本一個長形嘅海灣，家下就填海填成一塊大地方。裏面無論工業，商業同住宅都有。住宅有公屋、唐樓、洋樓、私人屋苑。工業有唔同工廠大廈，亦都有船廠。商業以衫褲批發為主，寫字樓方便就唔係咁多，多數係工廠大廈轉成。長沙灣有唔同食品嘅批發市場，供應全香港。所以，長沙灣可以話係包羅萬有嘅社區。
長沙灣對出就係昂船洲，家下已經連成一體。

地方
呢區主要街道有長沙灣道、青山道、元州街、荔枝角道、東京街、興華街、福榮街、福華街、長發街同順寧道等等。